Специјалното јавното обвинителство не е надлежно да постапува за предметот „Таргет-Тврдина“, кој се однесува на прислушувањето, изјави адвокатот Петар Василев, и додаде дека одбарана на денешното рочиште истакнала два приговори, еден од суштински и еден од процедурален аспект.
Овие два предмети, односно предметот за уништувањето на опремата за прислушувањето според обвинителството е кривично-правен настан кој настанал во март 2014 година, вели Василев и додава дека одбраната смета дека ова обвинителство е ненадлежно за овој предмет бидејќи, тоа според Законот и Членот 22 каде што е регулирана неговата надлежност, стои дека незаконското следење на комуникациите кои може да биде гонето од ова Јавно обвинителство е во периодот помеѓу 2008 и 2015 година.
Василев исто така додава и дека тие како одбрана сметаат дека изнесените воведни говори од страна на Јавниот обвинител се надвор од рамките предвиени во законот за кривична постaпка.
Васко Маглешов