Во 3 и пол часот наутро, полиција и припадници на специјалните сили влегоа во шаторите и ги истераа луѓето кои кампуваа во одбрана на паркот спроти Бристол.
Загрижените граѓани беа исфрлени и проработија моторните пили, за неколку минути просторот беше соголен.
„Уа фашистичка полиција, кого браните за 200 евра. Зошто се плашите од Груевски и Јанкуловска. Иднината ќе ве казни“ извикуваа кон полицајците.
Полицијата ги одземаше телефоните и апаратите на присутните за да не се регистрира што се случува во 3 по полноќ во центарот на Скопје.
Луѓето, меѓу кои и жени, буквално беа влечени и сосила отстранувани. На местото, единствената зелена површина, која граѓаните ја нарекоа „Паркот на Груевски“ треба да никне барокен Совет за Радио-дифузија.