Носителот на листата за советници од СДСМ за општина Битола, Валентин Груевски денеска во изјава за медиумите рече дека еден од најголемите сообраќајни проблеми во градот е доаѓањето на училиште на децата од населбата Боримечка во училиштето Коле Канински.
– За да стигнат на час мораат да преминат преку железничка пруга и многу прометна улица. Новата локална власт ветува многу работа, многу посветеност и живот во Битола за сите. Ветуваме изградба на надвозник кај населба Боримечка преку кој безбедно ќе може да се поминува и да се стига во училиштето Коле Канински, рече Валентин Груевски.
Тој најави одговорно градење, транспарентно и домаќинско работење за секој граѓанин да добие решение кое ќе му го подобри животот во неговата животна средина.