„Додека Љупчо Николовски менува функции, а Зоран Заев шета по црвени теписи, над 4300 хектари земјоделски површини во Овче Поле се два месеци без наводнување.
Иако сезона за наводнување вообичаено започнува околу 15-ти април, речиси на целото подрачје на територија на Подружница Овче Поле која го опфаќа регионот од Балван до Каратманово, не може да се испорача вода за наводнување.
Наводнувањето на земјоделските посеви во Овче Поле е неопходно. Доколку нема наводнување земјоделските приноси значително ќе се намалат, а земјоделското производство ќе стане речиси неисплатливо“, рече Цветан Трипуновски, член на ИК на ВМРО-ДПМНЕ.
„Љупчо Николовски и Зоран Заев мора да одговорат зошто земјоделците во светиниколско два месеци немаат вода за наводнување. Кој ќе ја покрие штетата од намалените приноси а земјоделците ќе претрпат огромни загуби?
Министерството за земјоделство и Зоран Заев директно удираат по џебот на земјоделецот и го прават земјоделското производство не рентабилно.
Власта во изминативе две години покажа целосна негрижа, некадарност и отсуство на одговорност кон македонските земјоделците. Потребна е голема метла која ќе го измете Зоран Заев и неговата влада“, изјави Цветан Трипуновски, член на ИК на ВМРО-ДПМНЕ.