(ВИДЕО) Трајковска: Богдановиќ месечно од „Лимак“ добива околу 80.000 евра, никој не знае каде овие пари одат

Од:

„Турската градежна компанија „Лимак“ месечно поради доцнење со градежните работи за изградба на подземната сообраќајница на Јужен Булевар и исплаќа на Општина Центар неверојатни 80.000 евра. Досега во Општината се влезени над еден милион евра по основ на пенали со оглед дека во Општина Центар ништо не се работи, а градоначалникот Богдановиќ се фали со проектите на Шилегов, сакаме да го прашаме зошто ги троши парите?

Со еден милион евра Богдановиќ можеше да направи многу работи. Можеше да купи таблети на учениците од Центар. Можеше да почне со изградбата на градинката која што им ја вети на центарци, или пак монтажниот паркинг во Дебар Маало, кулата за прочистување на воздухот, гасификацијата, зградите со вертикалното зеленило, депо за хаварисани возила, како и реновирање на сите урбани заедници во општината“, рече Антоанета Трајковска од ВМРО-ДПМНЕ.

„Овие работи Богдановиќ ги вети и ништо не исполни, ниту пак е на почеток на нивна реализација. Ама, затоа Општина Центар ја направи втора по вработеност на ниво на Град Скопје, прави партизација на основните училишта, прави партизација на Паркинзи Центар.

А, парите кои ги добива од „Лимак“ никој не знае за што и како ги троши. Градоначалнику Богдановиќ, граѓаните на Центар не го дадоа својот глас за лаги и измами. Тие ова не го заслужуваат“, изјави Антоанета Трајковска од ВМРО-ДПМНЕ.

Би можело да ве интересира

ВМРО-ДПМНЕ: Црвенковска е предлог на Заев и СДСМ, таа не е компетентна без ден судски стаж да именува, оценува и разрешува судии

Ана Ололовска

ВМРО-ДПМНЕ: Зошто над 200 пасоши дадени на криминалци уште не се поништени

Ана Ололовска

Мицкоски ќе се сретне со Пендаровски, откако пред скоро една година му се скара

Ландов

ВМРО-ДПМНЕ: Не е спорна потребата за противпожарна скала, спорно е што е два пати поскапа од таа во Загреб

Ана Ололовска

(ВИДЕО) Нелоски: Шилегов платил над 1.7 милиони евра за противпожарно возило, истото во Загреб е двојно поевтино

Ана Ололовска

Пратеничката група на ВМРО-ДПМНЕ ќе поднесе предлог за измени во Законот за тутун

Ана Ололовска