Граѓаните донесоа историски важна одлука за да продолжат процесите за просперитет на државата. Евроинтеграциските процеси се клучни, влезот во НАТО е веќе извесен, рече лидерот на партијата Демократски сојуз по прогласувањето на Стево Пендаровси за победник на претседателските избори.
-Очекував да имаме фер и демократски избори во скандинавски стил, тоа и се случи. Имавме исклучително добар изборен процес, резултатите беа очекувани бидејќи повеќе од јасно беше дека граѓаните се за промена и за државата да се движи напред, рече Трајанов.
Покрај лидерот на ДС, вечерва во седиштето на СДСМ се појавија и останати партиски членови на коалиционите партнери на СДСМ меѓу кои Рубин Земон, Едмонд Адеми, Изет Меџити, Љубе Бошкоски.
Виктор Јованов