(ВИДЕО) Томовски: Власта да одговори која фирма ќе го добие 19 милионскиот тендер во РEK Битола

Од:

„СДСМ забрзано турка криминал од 19 милиони евра во РЕК Битола, со тендерот за набавка на помошна механизација.

Власта изврши низа законски прекршувања во постапката за јавна набавка за помошна механизација за потребите на РЕК Битола. Имено на 24.01.2020 година, на неполни 7 дена пред истекот на рокот за поднесување понуди, врши промена во тендерската документација, спротивно на закон и без продолжување на рокот за поднесување на понуди“, изјави Ивица Томовски од ВМРО-ДПМНЕ.

„СДСМ го штелува и мести тендерот. Очигледно е дека извршените промени се со цел учество на јавно надавање да се ограничи на однапред определен број на фирми.

Овој криминал во обид бил воочен од фирмите кои не се во шема со власта и истите го обжалиле процесот на јавна набавка до Државната комисија за жалби по јавни набавки.

Заев и Ковачевски да одговорат која е фирмата за која се крои 19 милионски бонбона бизнис во ек на кампања и дали се брза да се додели тендер со цел испумпување на пари на сметка на фирми блиски до СДСМ за финансирање на кампањата!?

До нас пристигнаа сериозни непотврдени информации дека се врши притисок врз членовите на Државната комисија за жалби по јавните набавки за отфрлање на жалбата на тендерот со цел да се обезбедат црни пари за кампања на СДСМ.

Апелираме до Државната комисија за жалби по јавните набавки и АД ЕЛЕМ да не си играат со законите и за партиски цели да прават кривично дело. Одговорност за секој криминал ќе има“, вели Ивица Томовски од ВМРО-ДПМНЕ.

Би можело да ве интересира

ВМРО-ДПМНЕ: Додека Заев и Спасовски танцуваат со пандемијата, животите на илјадници кумановчани се загрозени

Ана Ололовска

(ВИДЕО) Серафимовска: Бараме укинување на државната матура за учебната 2019/2020

Ана Ололовска

СДСМ: Мицкоски и ВМРО-ДПМНЕ сакаат да ги земат парите на граѓаните од вториот пензиски фонд, а не сакаат да се откажат од државното финансирање

Ана Ололовска

ВМРО-ДПМНЕ: Додека Заев и неговите послушници танцуваат со коронавирусот, бројот на заболени постојано се зголемува

Ана Ололовска

Мицкоски: Кусогледаноста на власта ја спречува Македонија, Естонија ја решава кризата со пари од вториот пензиски столб, мерка за која апелиравме

Ана Ололовска

(ВИДЕО) Нелоски: Антикризните мерки на Владата се недоречени и рестриктивни, тие не му помагаат на бизнисот

Ана Ололовска