Тешка сообраќајна несреќа се случи попладнево на автопатот Тетово-Скопје, кај наплатната станица Желино, a едно лице е пренесено во болница.
Во несреќата учествувале мотоцикл „хонда“ со кумановски таблици и автомобил „фолцваген пасат“.
Со повреди во Клиничкиот центар-Скопје е пренесен возачот на мотоциклот.
Местото каде што се случи несреќата го обезбедува полицијата, која прави увид за да се утврдат причините.
Попладнево, на автопатот, но и на патот од Стража до Гостивар се створи километарски застој со возила кои се враќаат од туристичките центри како Охрид, Струга, Маврово.
Иако многумина ја прилагодуваа брзината на патот, сепак, имаше и такви кои не ги почитуваа прописите и на небезбеден начин ги претекнуваа возилата.