Филип Темелковски кандидат за градоначалник на Општина Кисела Вода од коалицијата предводена од СДСМ изјави дека за успех мора да се создадат еднакви шанси за сите и сите да го дадат својот максимум.
– Секој од нас има свои квалитети и вредности, сакаме да создадеме услови за сите подеднакво да ги развиваат своите таленти и сите да бидат успешни и поуспешни од другите. Ниедна предмет ниту објект не е толку вреден колку инвестицијата во младите, рече Темелковски.
Тој најави вклучување на младите во сите процеси и слушање на нивните реални потреби и желби. Темелковски најави инвестирање и создавање услови како во еворпските земји.
– Во нашата програма предвидуваме конкретни мерки како што се: награди за најдобрите ученици и најдобрите наставници бидејќи за да изградиме способна младина за нив треба да се грижиме уште од најрана возраст. Предвидуваме реновирање на веќе постоечките училишни спортски сали и изградба со нови и формирање на спортски лиги во сите спортови како поеднечни така и екипни. Драмски секции во домовите за култура библиотеки во склоп на домовите во кисела вода и бесплатни кино проекции и театарски престави, најави Темелковски.
Кандидатот за градоначалник на Кисела Вода потенцираше дека најголем предизвик за младите е вработувањето на пристојно работно место и станбеното обезбедување и најави едукативни центри во месните заедници во соработка со надлежните органи на централната власт и имплементирање на младинска гаранција преку која младите ќе имаат можност да се запознаат со тоа како да отворат сопствен бизнис.