„Сцените на запуштени детски игралишта и запуштени паркови ќе бидат минато во Општината Кисела Вода. За таа цел имаме конкретни мерки и решенија во нашата програма за живот во Кисела Вода. Првично ќе ги одржуваме сите постоечки детски игралишта на територијата на општина Кисела Вода.
Соодветно ќе ги опремиме со нови реквизити за да може младите што повеќе време да поминуваат во тие игралишта.
Дополнително општината има обврска за одржување на сите зелени и јавни површини на територија на општина Кисела Вода.
Здравјето и хигиената мора да бидат приоритет на нашите сограѓани. На крај ќе изградиме зелени оази во сите урбани заедници на територија на Општина Кисела Вода.
Зелени површини кои што ќе служат за прочистување на воздухот на територија на Општина Кисела Вода и за многу поголемо маалско дружење на нашите сограѓани“, изјави Филип Темелковски, Кандидат за Градоначалник на Кисела Вода.