Сашко Стојановски, претседател на ОО СДСМ-Сопиште денеска во изјава за медиумите рече дека тие не се против поставување на споменикот на Андон Јанев Ќосето во Сопиште, но гласале против бидејќи било неприфатливо да се финансира постамент и да се бара поставување на споменикот таму во моменти кога општината има блокирана сметка.
– Сметаме дека со тоа само ќе се создаваат нови дополнителни поделби помеѓу Македонци и Албанци. Ние сме мултиетничка средина во којашто живеат Македонци, Албанци, Турци. Сметаме дека со самото поставување на овој споменик би се предизвикало дополнителен револт помеѓу граѓаните и населението кое што живее на оваа територија, рече Стојановски.