(ВИДЕО) Стоилковски: Цела меѓународна заедница го слушна Заев како му понуди мито од 100 илјади евра на Вселенскиот патријарх

Од:

„Зоран Заев и СДСМ продолжуваат да ја злоупотребуваат власта и државата во изборни цели. Зоран Заев е бесрамник кој што нудеше поткуп и го претстави ГГ Вартоломеј,Вселенскиот Патријарх, како нечесник кој што зема мито од 100 или 150 илјади евра за носење одлука на Вселенскиот Патријарх.

Таквиот став и однос на Зоран Заев кон Вселенскиот патријарх имаше можност да ги слушне сета меѓународна заедница, вклучително и ГГ Вартоломеј.

Сега СДСМ и Оливер Спасовски од позиција технички премиер, ја злоупотребуваат посетата на Цариградската патријаршија, ја поистоветуваат државата со партијата и бесрамно го носат Зоран Заев во Цариградската Патријаршија само и само во изборни целина СДСМ“, рече Наум Стоилковски, портпарол на ВМРО-ДПМНЕ.

„Поканите за вакви средби не се однесуваат за лични, приватни односи, туку за меѓудржавни, политички, службени прашања.

Елементарна неписменост на СДСМ е поканите кон функции да ги смета за лични, адоколку е така, тоа е нов обид на СДСМ со лага да ги изигра граѓаните!

Бесрамно, владата го пишува Зоран Заев како дел од владина делегација иако човекот повеќе не е во владата. Уште по безобразно е што СДСМ злоупотребува владина средба но ја злоупотребува и Цариградската Патријаршија за изборен маркетинг на Зоран Заев.

Оттука, Владата и Спасовски, а не СДСМ, мора да одговорат, што и кого претставува Зоран Заев во владина делегација при државна посета, за која што како влада издадоа соопштение?

Владата и Спасовски, а не СДСМ, мора да одговорат, дали Зоран Заев на средбата се однесувал долично, дали се извинил за искажаната понуда, или останал на понудата од 100-150 илјади евра поткуп за Цариградската Патријаршија?

Владата и Спасовски, а не СДСМ, мора да одговорат, доколку навистина сметаат дека поканата била лична до Зоран Заев, што бараат Оливер Спасовски во својство на премиер и владина делегација на таква лична средба?

Владата и Спасовски, а не СДСМ, мора да одговорат, Дали присуството на Зоран Заев во владина делегација е наметнато со цел лажно претставување на Заев во лажно својство?“, праша Наум Стоилковски, портпарол на ВМРО-ДПМНЕ.

Би можело да ве интересира

Мицкоски: Државата ја втурнуваат во црвената зона на презадолженост, долгот достигна 59,5%

Ана Ололовска

(ВИДЕО) Илиевска: За само три месеци Владата го зголемила јавниот долг за една милијарда евра

Ана Ололовска

(ВИДЕО) Серафимовска: Со капацитетот на Владата на СДСМ и ова полугодие од школската година ќе помине неорганизирано и хаотично

Ана Ололовска

(ВИДЕО) Попова: Шилегов во 2018 година вети дека „Златно славејче“ ќе го слави 50. јубилеј во Универзална, а сега сака да ја руши

Ана Ололовска

ВМРО-ДПМНЕ: Подобро да падне Заев отколку индустриското производство

Ана Ололовска

(ВИДЕО) Жугиќ: Шилегов лаже за Универзална!

Ана Ололовска