Заменик генералниот секретар на ВМРО-ДПМНЕ Петар Богојески е разрешен на синоќешниот состанок на Извршниот комитет поради неисполнување на партиките обврски и задачи вели партискиот портпарол Наум Стоилковски. Тој не сакаше да одговори дали истото ги чека и потпретседателот на ВМРО-ДПМНЕ, Митко Јанчев и реформаторот Костадин Богданов како членови на ИК кои гласа на референдумот.
– Како и во секоја партиска структура секој кој има функција, има задолженија и обврски. Разрешен е заради несработување на тоа што му беше задача. Инсинуации се дека Богојески е тргнат заради негов став. Неговите обвинувања се негов став, а тоа што е сработено, а што не е сработено, се оценува од партиските тела, рече Стоилковски.
Во однос на можно тајно гласање во Собранието за уставни измени, Стоилковски вели декa ВМРО-ПДМНЕ дека нема да прифати промена на Уставот за промена на уставното име.
– Сега сме на став дека референдумот е неуспешен, што е констатирано и од страна а на ДИК. Договорот е неважечки , не може да има правни псоледици. Менување на Уставот е правна последица, а народот рече не. Заев и извршната власта и секоја друга институција треба да ја почитува волјата на над еден милион и 200 илјади граѓани, порача Стоилковски.
Стоилковски не одговори конкретно зошто ВМРО-ДПМНЕ ги игнорира препораките на меѓународната заедница- да не се игнорира волјата на над 600 илјади граѓани кои гласаа ЗА на референдумот и процесот да продолжи во Собранието.
– Како да се почитува волјата на народот, а да продолжи процесот во Сбранието? Ние не ги игнорираме, тоа се пријатели на Македонија и тие сакаат што побрзо да влезе евроатлантските инстиуции, но кршењето на Уставот и закони не е европска вредност, рече партискиот портпарол.
Галена Николовска-Ризвановиќ