Протестниот марш на средношколците во организација на Средношколски пленум заврши со пораката дека и покрај сите притисоци, закани и заклучување во училници што денеска се случуваше во неколку скопски средни училишта, средношколците ќе продолжат со своите барања.
И покрај тоа што утрово, како што информираа од Средношколскиот пленум, учениците од скопската гимназија „Јосип Броз – Тито“ и од ГУЦ, биле затворани и пребројувани, а им биле одземени и телефоните, тие сепак успееја да се придружат на маршот.
Средношколците носеа транспаренти “Екстерно за владата!“, „Што е битно што на екстерно имам 1, кога можам да бидам премиер!“, „Сакате ли реприза“ и извикуваа „Ние сме иднината!“, „Нема правда нема мир!“.