„Форумот на слободоумни патриоти го осудува однесувањето на пратениците во Собранието на Република Македонија. Вашето несовесно работење и однесување дополнително ја влошува и така лошата состојба во Република Македонија и ја продлабочува кризата. Од кога сте избрани прво неколку месеци ништо не работевте, земавте плата, за потоа со празни муабети, реплики и контра реплики да ги поминувате деновите во Собрание и повторно да земате плата.
Сакаме да ви укажеме дека додека вие безмилосно ги трошите народните пари во Собранието, надвор од него граѓаните имаат реални проблеми со блокираните институции и блокиран бизнис сектор.
Ве повикуваме веднаш да прекинете со вашите дворски игри и да овозможите Собранието непречено да функционира и да се стават институциите на државата во функција на народот, а не за ваши лични интереси!
Република Македонија нема друга алтернатива освен членство во НАТО и ЕУ, како и продолжување на стратешкото партнерство со САД“ се вели во соопштението на Форумот на слободоумни патриоти.
