Во врска со веста објавена пред три седмици дека Скопски пазар истиснат од бизнисот со супермаркети најавува инвестиција на скопскиот Бит пазар, демант испрати претседателот на Управниот одбор на компанијата, Сашо Давитковски. Тој наведува дека погрешно му е пренесена изјавата и дека наместо зборот „продажба“ требало да стои „издавање“. Во тој случај неговата изјава е следна:
-Не можам сега да откривам како ќе го градиме пазарот, од кои средства, но си имаме начини и извори како тоа да го направиме. Не знам зошто мора да се поврзува издавањето на имотот на СП со новата инвестиција. Издавањето на маркетите и нивното затворање се должи на политиката на компанијата која процени дека има штети во секторот трговија и затоа пристапивме кон тоа. Но, голем дел од маркетите ги презедоа трговски компании и ги презедоа нашите вработени. Така што тој дел си е едно, а ова со пазарот е друго.