(ВИДЕО) „Срамота е, на онкологија нема доктори, а овие млади чекаат работа“: Поддршка од граѓани за специјализантите

Од:

Приватните специјализанти лекари нема да го прекинат генералниот штрајк се додека не ја дочекаат информацијата од Владата во писмена форма дека се прифатени нивните барања за зголемување на надоместокот и за целосно решавање на нивниот статус во здравството.

Тие утрово штрајкувајќи во кругот на државните клиники „Мајка Тереза“ добија поддршка и од револтирани граѓани на кои не им е јасно зошто овие лекари не се примени на работа, а државата се жали дека нема медицински персонал по клиниките.

– На Онкологија е ужас кој не може да се поднесе, луѓе чекаат со часови за да дојдат до хемотерапија. Дајте да ги примат овие луѓе, зоѓшто да бидат невработени, да не им тече стаж како на сите нормални луѓе, дајте да се направи нешто за нив, да се бориме да ни останат тука. Како да ни останат. Како и народов да остане тука кога ќе нема доктори, до каде отидовме.

Многу е жалосно ова што се случува во нашата држава, два милиона народ не можеме да се организраме, срамота е во 21 век ова. До вештачка интелигенција дојдовме.

Ги разбирам докторите, малку се, но треба да се примат нови. Министерството или кој и да е треба да поведе сметка за тоа. Зошто луѓево да бидат невработени, стаж нека им тече, кога ќе одат во пензија, дали ќе земат пензија, дали некој размислува ова – зборуваше револтирана граѓанка од Скопје.

Таа раскажа какви голготи доживуваат пациентите на Онкологија чекајќи по десетина часа.

– Таму е многу гужва, ќе дојдете во 7.30 и ако стасате до 13 часот е супер. Мојата мајка е од Скопје, но што правиме со оние луѓе кои не се од Скопје – раскажа скопјанката.

Би можело да ве интересира

Вработените во Пошта протестираат: Не знаеме кога ќе земеме плата, 2000 вработени ќе останеме на улица

Орце Костов

„Наместо 40 одиме 100 километри за хемотерапија“ – на Онкологија измачени пациенти и исцрпени вработени

Орце Костов

Вработените во Фондот за здравство најавија генерален штрајк ако не добијат по 2392 денари усогласување на плата

Орце Костов

Продолжува штрајкот на специјализантите: „Нема желба од Владата да се решат нашите проблеми“

Орце Костов

(ВИДЕО) Немаме партиски, имаме крводарителски книшки: Специјализантите штрајкуваат и чекаат одлука на Влада

Орце Костов

Штрајк на приватните специјализанти: Работиме 24 часа за 26.000 денари, а немаме ниту здравствено

Орце Костов