(ВИДЕО) Спасовски: 8. Март е симбол на борбата за сите права и за еднаквост на жените во целиот свет

Од:

Меѓународниот ден на жената – 8 Март е симбол на борбата за сите права и за еднаквост на жените во целиот свет. Празникот не повикува да продолжиме да ги совладуваме конзервативните и застарени принципи за улогата на жената, истакна во своето видео обраќање премиерот Оливер Спасовски по повод денешниот празник.

Според Спасовски, празникот повикува да продолжиме да ги совладуваме конзервативните и застарени принципи за улогата на жената. Да ги менуваме тие принципи и да останеме посветени на тоа сѐ до постигнување на целосната правична родова еднаквост.

Постигнувањето на еднаквоста, како што истакна, бара постојаност и упорност од сите нас, а клучната улога во тој процес имаат доброто образование, особено темите за родова еднаквост и недискриминација.

Посебно место меѓу приоритетите, според него, се и економската и социјалната рамноправност.

– Да не престанеме да се залагаме за создавање услови за економски самостојни девојки и жени. Тоа се услови за нашите мајки, сопруги и ќерки полесно да се справуваат со дискриминацијата, насилството и сиромаштијата. Општеството ќе се движи напред со еманципирани жени и девојки. Само на тој начин и со заеднички заложби и учество во овие процеси ќе го зајакнеме општеството на еднакви граѓани и граѓанки по сите основи. Честит 8 март за родово еднакво општество, истакна премиерот Спасовски.

Би можело да ве интересира

Ампева: Шеесет и деветте текстилни работнички од Кавадарци се олицетворение на овој 8 Mарт

Ваучери од 50 евра за наставничките, за родителите срамно е децата да им носат цвеќе

Орце Костов

Тренчевска: Со посветеност до потполна еднаквост на жените и мажите во општеството

А1он

Се откажуваат патувањата за 8 март: На граѓаните им доцнат пасошите, агенциите веќе ги платиле хотелите

Орце Костов

„Држава што не постапува е држава што силува“ – протестен марш по повод Меѓународниот ден на жената

Жарко Настоски

Спасовски: Горд сум што има повеќе жени во полицијата и во командните структури

Жарко Настоски