(ВИДЕО) Советникот на Чулев го правда Мицкоски: Јас се договорив да ја отворат винаријата за да седнеме

Од:

Љупчо Андоновски, советник на министерот Наќе Чулев, кој го придружуваше лидерот на ВМРО-ДПМНЕ, Христијан Мицкоски во кафеаната на Боемска улица даде исказ во полициска станица. Андоновски пред медиумите го правдаше Мицкоски, велејќи дека тој договорил со газдите на кафеаната да седнат во затворениот дел на објектот, иако тоа беше забрането со уредба донесена од Владата. Според Андоновски, ваквото прекршување на мерките не е значајно како други работи кои се случувале во државата.

„Па ништо не се случи, дадов исказ пред колегите, им објаснив како беше настанот. Мене ми е жал што толкаво медиумско внимание предизвика овој настан. Има многу позначајни работи кои се случуваат во државава, но за жал, интересно им беше дека сум бил на ручек со претседателот Мицксоки, им објаснив како беше и сакам сега на сите вас да ви кажам. Сега сакам јас да ви кажам дека јас се договорив со еден од сопствениците, бидејќи не работеше винаријата, го замолив еден од газдите на винаријата дали може да отвори да седнеме со еден пријател, тој не знаеше кој е. Откако отидовме таму, кога виде дека е дојден Христијан Мицкоски, сопственикот не послужи со пијалок, седнавме и поразговаравме околу час, час и половина. Потоа, тој ја напушти винаријата, по него јас“, рече Андоновски, советник на Чулев и придружник на Мицкоски во кафеаната.

Тој пред медиумите додаде дека не ги попречувале инспекторите да влезат во затворениот дел од објектот, што е спротивно на тврдењето од Пазарниот инспекторат. Инспекторите дента кога се случи настанот, кажаа дека откако биле попречени да направат увид во затворениот дел со образложение дека просторијата е заклучена, виделе како од внатре излегуваат неколку лица, меѓу кои Мицкоски и Андоновски.

„После нас газдата ја напушти винаријата и си замина, за да од средствата за масовна комуникација, од вас медиумите разберам дека сме биле ние таму во винаријата, дека сме попречувале да влезат инспекторите на трудова инспекција, дека директорот Сашо Тасевски повикал и ЕБР, тука се нашол и началникот на Интерветна полиција, Примислав Димовски, па наводно сме криеле камери, ресивери, што апсолутно го отфрлам. Јавниот обвинител побарал известување преку МВР да го расчистат овој случај. Ја користам оваа прилика да им кажам да го погледнат членот 3 од КЗ на Македонија кој гласи дека на секој сторител на кривично дело ќе му се суди според кривичното дело кое е пропишано во тој момент. Во меѓувреме, доколку се измени еднаш или двапати тој закон, тогаш ќе се примени законот кој е поповолен за сторителот“, додаде Андоновски.

Инаку, лидерот на ВМРО-ДПМНЕ, Христијан Мицкоски, не дојде да даде исказ во полициската станица во Центар за случајот кога беше затекнат во затворен дел од кафеана на „Боемска улица“

Би можело да ве интересира

Петровска за „теретана“ и Мицкоски: Недостасуваат снимки од две камери, од периодот кога теретаните беа затворени

Кристијан Ландов

Нова снимка за Мицкоски: Се борам да ваквото СЈО не помине, автоматски неговиот најголем предмет, тој ‘Империја’

Кристијан Ландов

ВИДЕО: Мицкоски, откако се поздрави со сите, со ракавиците јадеше леб среде собир

Кристијан Ландов

ВМРО-ДПМНЕ се обрзува на најмали даноци за бизнисот во Европа, вели Мицкоски

А1он

Мицкоски: Заврши времето кога политичарите беа привилегирани

А1он

Спасовски: За секоја „бомба“ мора да се постапи без оглед за кого се работи

Ана Ололовска