Од Центар до Аеродром на граѓаните им треба по скоро еден час за да ја поминат трасата. За од Кисела Вода до раскрсницата кај Веро Џамбо требаат и до 20-30 минути. На оваа локација, попладнево имаше заглавено и возило на Брза помош со вклучени ротации кои ја сигнализираа итноста да се движи побрзо поради транспортирање на пациент. Центарот на градот исто така беше блокиран со возила. Ваква е сликата во Скопје денеска, но и честа во изминативе години.
Ова не се случуваше само во попладневните часови, туку во текот на целиот ден. Истото е последица на тоа што се реконструира булеварот „Кузман Јосифовски-Питу“. Бидејќи не можат да се движат возила по овој булевар во правец кон Аеродром, концентрацијата на гужва е по другите булевари како што е „Гоце Делчев“, раскрсницата кај Бит Пазар, а ништо подобро не е и на „11 октомври“.
Заглавено во гужвите попладнево беше и возило на Брза помош. Возачот проба со ротации и свирежи да побара возачите на автомобилите да се тргнат на страна, но тоа беше невозможно со оглед дека булеварот беше целосно закочен.
