ВИДЕО: Со свирежи Талат Џафери спречен да помине од демонстрантите на „За заедничка Македонија“

Од:

Пратеникот на ДУИ Талат Џафери денеска случајно се сретна и не успеа да ги избегне со своето возило демонстрантите од „За заедничка Македонија“ кои се нафрлија на него со навреди, пцости и свирежи по што се врати назад.

Порталите блиски до ВМРО-ДПМНЕ го објавија видеото од овој настан, но избришани се деловите каде што Џафери се навредува и пцуе. Првично објавеното видео на ФБ на некои профили, кое потоа го снема, содржеше навреди по етничка линија, но и пцости упатени кон Џафери.

Курир под наслов „Нема да помине, провокаторот Талат Џафери исвиркан и вратен назад“ пренесува дека народот одлучно одговорил на ваквите провокации и со негодувања и свирежи го вратил назад Џафери.

Според порталот можеби се работи за смислен пропуст на полицијата на терен, во чии редови пред некој ден на самите протести можел да се забележи сопругот на Фросина Ременски од СДСМ, Јовче Ременски.

„Токму Ременски е одговорен за постапувањето на полицијата, која наместо да блокира свесно го пропуштила аудито на провокаторот Џафери, кој дрско сакаше да испровоцира и да издејствува реакција на насобраните граѓани, кои и денеска излегоа во масовен број“, пишува Курир.

Би можело да ве интересира

Во Тирана се одржа мирен протест против зголемување на цените

А1он

Полицијата употреби солзавец и водени топови врз демонстрантите на антивладиниот протест во Љубљана

А1он

Протести во Бејрут поради прекината истрага за експлозијата во 2020 година

А1он

Националната гарда ќе и помага на полицијата на протестот во Вашингтон

А1он

Вашингтон подготвен за протести на приврзаници на Трамп

А1он

Митрески: ВМРО-ДПМНЕ се однесува нехумано, ја злоупотребува колективната тага за ситни политички поени

А1он