Во заедничка акција на БИА, ВБА, Управата за криминалистичка полиција и Вишото јавно обвинителство во Белград и Крaљево, Боривоје Глишовиќ, пензиониран инженер на Први партизан од Ужице и Шевкет Демировски, сопственик на македонската компанија АТС Груп во Скопје, беа уапсени во белградски хотел.
Тие беа приведени на „работен состанок“, каде што договараа продажба на доверлива документација за изработка на машина за производтво на муниција од калибар 12,7 милиметри.
Глишовиќ од Демировски на претходниот состанок како аванс добил околу 30.000 евра а преостанатиот дел најверојатно во ист износ пензионираниот инженер ќе го добиел по испорака на комплетната документација, укажуваат оперативните сознанија и материјалните докази.
Демировски имал намера да ја користи документацијата во просториите на поранешната фабрика за сувенири за оружје и муниција во Македонски Брод, како и во фабриката во Катар, каде е косопственик.
Небојша Ивановиќ и Милован Миловиќ, активни инженери на Први партизан, беа уапсени покрај Глишовиќ и Демировски во Ужице и Пожега, под сомнение дека доставиле документација од Први партизан за пари.
При претресот на осомничените во Белград, Ужице и Пожега, пронајдени се големи суми пари и доверлива документација за производство на муниција.