Општина Бутел, на чија што територија живеат повеќе од 50.000 луѓе, е единствена во Град Скопје која нема поликлиника. Идната општинска власт ќе мора да иницира соработка со Министерството за здравство за изградба на поликлиника на територија на општина Бутел, рече кандидатот за градоначалник на општина Бутел од СДСМ и коалцијата „Живот во Македонија“ Велимир Смилевски.
Тој потсети дека претходната власт вети до мај 2017 година изградба на нов здравствен објект, но објектот не е зигарден.
– Изградбата на поликлиниката е од витално значење на граѓаните од општината. Со самата изградба на објектот граѓаните ќе заштедат на време и ресурси, а здравствените услуги ќе бидат подостапни за нив. Целна група на овој објект ќе бидат сите граѓани, а рокот на извршување 2020, вети Смилевски.