„Да потсетам на некои од клучните таргети и поенти кои што ги слушавте изминатиот период од страна на нашите претставници на претседателот Мицкоски, нашите носители на листи, членовите на политичката партија ВМРО-ДПМНЕ.
Ние нудиме нов развоен модел кој што ќе овозможи раст на нашата економија врз стабилна основа од 4 до 5 % во наредниот 4 годишен период. Се обврзуваме невработеноста да ја намалиме на под 10 % на реална основа“, рече Трајко Славески, член на ИК на ВМРО-ДПМНЕ.
Тој кажа дека ќе обезбедат и раст на платите и во приватниот и во јавниот сектор од просечно 25 %.
Славески рече дека пензиите ќе растат во согласност со порастот на платите и порастот на трошоците за живот.
„Оваа економска програма, економскиот дел на програмата на ВМРО-ДПМНЕ се темели на 3 клучни столбови. Имено како што кажав ние нудиме нов развоен модел кој ќе испорача висок и стабилен раст на македонската економија кој што ќе биде во корист на сите граѓани на Република Македонија“, додаде Трајко Славески, член на ИК на ВМРО-ДПМНЕ.