Градоначалникот на Скопје, Петре Шилегов, вели дека ако не се постигне консензус кај граѓаните, преку референдум ќе се одлучува за иднината на Универзална сала.
Целосното видео од денешиот брифинг со новинарите на тема „Универзална сала“.
Целосното видео од денешиот брифинг со новинарите на тема „Универзална сала“.
Posted by Град Скопје on Среда, 29 јули 2020
Шилегов најави дека следен чекор на Град Скопје ќе бидат посебни конкурси конкурси за реставрација и за парк.
„Конкурсните решенија треба да бидат предмет на дебата“, изјави Шилегов.
Тој вели дека пред да биде распишан референдум ќе мора да бидат доразработени сите варијанти, за да се знае прашањето кое ќе им се постави на граѓаните.
Шилегов, по бурните реакции и критики од јавноста се обрати пред граѓаните и го кажа своето лично мислење околу рушењето на Универзална сала.
„Интимно би сакал да се реставрира Универзална сала и да изградиме концертна сала. Прашање е колку Владата и државата е способна да потроши“, рече Шилегов.
Тој не ја оспори важноста на Универзалната сала, но додаде дека објектот е сериозно руиниран бидејќи е стар и прозорците, вратите, инсталацијата, сето тоа би било предмет на обнова.
„Универзална е колективна меморија на културниот живот на Македонија, не само на Град Скопје и затоа во овој процес треба да бидеме сите, Градот Скопје, Владата со Министерството за култура, стручната јавност и обичната јавност која има силни емоции и големо право да го каже своето мислење“, рече Шилегов.
Тој ги демантира гласините во јавноста, за можна замена на местото кај Треска за парк кај Универзална.
Според Шилегов, реконструкцијата која и е потребна на Универзалната сала и градењето на нова концертна сала би ја чинело државата околу 20 милиони евра.