(ВИДЕО) Силна поддршка за СДСМ од партијата на Европски социјалисти

Од:

На меѓународната конференција на тема: „Обезбедување на базичните предуслови за демократска Македонија“ што се одржа вчера во Скопје свое изглагање имаа претседателот на партијата на европски социјалисти (ПЕС) Сергеј Станишев, Џакомо Филибек-заменик генерален секретар на ПЕС, Евин Сарач-експерт за избори од Шведска, Мариане Асен-пратеничка од Лабуристичката партија (Норвешка), Лорд Џорџ Фулкс, член на Комитетот за ЕУ и поранешен гувернер на Вестминстерската фондација за демократија, како и други претставници.

Сергеј Станишев во своето обраќање потенцираше дека СДСМ како сестринска партија на ПЕС има решенија за проблемите на граѓаните во својата изборна програма и напомена дека мора да се спроведе прочистување на избирачкиот список и регулација на медиумите.

Лорд Џорџ Фулкс во своето излагање се осврна на тоа дека за да има фер и демократски избори, мора прво да има регулација на медиуми и прочистен список и ако изборите се фер и демократски, СДСМ ќе ја предводи новата влада.

Џакомо Филибек пред присутните зборуваше дека само слободни медиуми и прочистен избирачки список, каде што волјата на граѓаните ќе биде почитувана во целост, се гарант за фер и правични избори.

Евин Сарач се осврна на проблемите со изборниот процес во Македонија и напомена дека изборите мора да се одржат во фер, транспарентно и плуралистичко опкружување за да се добие добра оценка од ЕУ.

Мариан Асен пред присутните зборуваше дека медиумите мора да бидат слободни и достапни за секој политичар и дека непочитувањето на принципот на владеењето на правото е закана за демократијата.

ПЕС ја обединува европската левица и ги претставува социјалдемократските, социјалистичките и лабуристичките партии во Европа.

Би можело да ве интересира

Ливриниќ: Скопје Север ќе го направиме место каде што сите ќе сакаме да живееме

Трајановски: Жителите на Лисиче сè уште живеат со истите проблеми што беа ветени дека ќе се решат во 2021 година

Кандидат за советник на ЗНАМ нападнал активисти на СДСМ, тврди Мартин Костовски

Катерина Ѓуровски

СДСМ: ВМРО-ДПМНЕ и Љутков директно одговорни за рушењето на домот на Владо Малески

Катерина Ѓуровски

Филипче: „Или си СДСМ или не си“

(ВИДЕО) Филипче: Алармантно, буџетската дупка ќе биде 1,4 милијарди евра на крајот на годината

Горан Наумовски