За време на поројните дождови кои завчера најлошо го погодија тетовскиот регион, надојдената Пена имаше моќ да повлече со себе се што и стои на патот.
На социјалните мрежи се појави видео снимка на која се гледа леснотијата со која реката ги повлекува со себе паркираните автомобили, како навлегува во улиците и ги уништува куќите.
Поплавата во Тетово предизвика големи материјални штети, а зеде и човечки животи. Во невремето загинаа четири лица: Х.Ф. (83) и А.М. (14) од Шипковица, А.И. (7) од Тетово и Р.А. (15) од Шипковица.
