Не може да се гради луксуз ако не се решени основните прашања, како што се водата и воздухот, ако нема минимум цивилизациски услови како канализација и детски градинки, порача вчера заменик – претседателката на СДСМ, Радмила Шекеринска во своето обраќање на митингот на СДСМ и коалицијата во Теарце.
-Не смееме веќе да си дозволиме импровизација што значеше дека Македонија потроши стотици милиони евра за споменици што се распаѓаат додека мака мачи со канализација и основна инфраструктура, рече Шекеринска.
Таа ги увери жителите на Теарце дека заврши времето кога некој министер во три часот наутро можеше да се јавува по телефон и да кажува свои идеи што да биде приоритет во Теарце или на било кое место.
Шекеринска порача дека на 15 октомври граѓаните преку поддршка за кандидатите на СДСМ и коалицијата имаат можност со глас и пенкало да покажат дека се посилни од сите оние кои сакаат да ги вратат назад и ќе покажат дека животот се враќа и во Теарце.