Се чека во колони за влез во земјава од Србија преку граничниот премин Прешево-Табановце и на излез од Македонија за влез во Грција преку Богородица. Од АМСМ рано утрово информираа дека на Табановце за излез и за влез во државава има зголемена фреквенција на возила. Нема информација за тоа колку време се чека на Табановце и Богородица. На останатите гранични премини нема подолги задржувања, велат од АМСМ.
Камерите и на српска страна на Прешево и на македонската страна на Богородица покажуваат долги колони возила на овие премини.