„Најостро ги демантирам спиновите на ВМРО-ДПМНЕ, кои преку лажни профили дезинформираат за ОО на СДСМ Виница.
Општинската организација на СДСМ Виница, јас како претседател, раководството и членството ниту сме преминале во друга партија, ниту тоа имаме намера да го направиме“, изјави претседателот на ОО СДСМ Виница, Ивица Димитров.
„Очајни се обидите на ВМРО-ДПМНЕ да ги покријат оставките од нивните високи владини функционери со лаги околу единството на СДСМ.
За лажната информација веќе известивме и на нашиот официјален Фејсбук профил СДСМ ВИНИЦА.
Раководството на ВМРО-ДПМНЕ, оние кои останаа околу Груевски, нека ги остават манипулациите и нека се завртат околу себе, што им се случува во нивните општински комитети, таму им врие“, рече претседателот на ОО СДСМ Виница, Ивица Димитров.