После насилниот и грозоморен чин од страна на насилникот-пратеник Васко Наумовски, кој претепа вработени во Центарот за социјални грижи во Битола, веќе трет ден молк од страна на неговата партија ВМРО ДПМНЕ и неговиот ментор Никола Груевски, вели Борче Корлевски – Портпарол на ОО СДСМ Битола.
Насилникот-пратеник, кој неуспешно се обиде да се претстави како жртва, го повикуваме да потврди или да демантира за следното:
– Дали на ден 21.12.2014 г. физички и психички ја малтретирал сопругата Н.Г. за што е пријавен во СВР Битола?
– Дали на ден 18.01.2015 г. упатил закана до сопругата и нејзината сестра дека ќе ги убие за што исто така е пријавен во Полициската станица Битола?
– Дали истиот ден 18.01.2015 г. од страна на службени лица на СВР Битола привремено му се одземени пиштол ZORAKI 917 T кал.9-мм, една рамка муниција и потврда за оружје?
– Дали на ден 25.01.2015 е пријавен во Полициска Станица Битола од страна на неговата сопруга дека ја малтретирал и упатувал закана дека ќе ја убие?
– Дали на ден 16.02.2015 г. го прекршил решението од ОС Битола за привремени мерки за заштита од семејно насилство за што е пријавен во СВР Битола од страна на неговата сопруга?
– Дали на ден 18.02.2015 г. е пријавен од лицето Ј.Н. родена 1950 година за физички напад односно удирање со клоци по телото?
Ги повикуваме надлежните од СВР Битола и ОЈО Битола да излезат со информации што тие досега презеле против насилникот-пратеник Наумовски за неговите испади.
Дали Наумовски сам ќе се откаже од пратеничкиот имунитет за да се спроведе транспарентна и непристрасна истрага за сите негови насилнички испади досега или тоа ќе го направат пратениците од владеачката ВМРО ДПМНЕ?
Дали се ова вредностите кои ги носат пратениците на ВМРО ДПМНЕ и Никола Груевски?
Повторно, ги повикуваме ВМРО-ДПМНЕ и Никола Груевски најостро да го осудат насилниот чин на нивниот пратеник и веднаш да преземат соодветни чекори за санкционирање.
Доколку не реагираат, ќе сметаме дека стимулираат семејно насилство и насилство врз државни службеници.