Предлог Буџетот за 2021 година утре влегува во собраниска процедура. Буџетот за 2021 година има три значајни цели: Да обезбеди поддршка и унапредување на здравствениот сектор, пред се заштита на здравјето и на животот на сите граѓани. Да го поддржи економското заздравување, односно да се помогнат сите оние микро, мали, средни и големи компании, кои имаат потреба од помош во справувањето со последиците од пандемијата. И трето, да се одржат и унапредат основните функции на државатта и да овозможиме ефикасно спроведување на потребните реформи – рече на прес конференција пратеничката на СДСМ, Марија Георгиевска.
„Буџетот за 2021 година ја потврдува заложбата на Владата предводена од СДСМ и премиерот Зоран Заев за силна поддршка на стопанството, преку спас на работните места, поддршка на конкурентноста на компаниите, како и раст на платите.За таа цел Буџетот за 2021 година преку неколку програми обезбедува поддршка во вкупна вредност од 7,1 милијарда денари или 115,5 милиони евра. Од овие средства 1,9 милијарди денари ќе се насочат за поддршка за формирање на нови компании, преку самовработување и вработување на други невработени лица, но и обуки за невработените“ – вели Георгиевска.