Изминатиот период сведоци сме на редовни поплави при секој поинтензивен дожд во Скопје. Редовно доаѓа до блокада на протокот на води во атмосферската канализација, што предизвикува закочување на сообраќајот. Особено кај клучката кај Континентал, подвозникот кај ул. Бихаќка, бул. Србија, кај царинските терминали и на многу други локации, рече Ѓорѓе Матевски, советник во Советот на Град Скопје.
Очигледно е дека градот Скопје не може да се справи со овие состојби, иако дождовите траат релативно кратко.
Затоа денеска ќе го прашаме Коце Трајановски зошто троши астрономски износи од 18 милиони евра за Панорамско тркало? И зошто 11 милиони евра троши на луксузната зграда на ЈП Водовод и канализација, наместо овие пари да се потрошат за зголемување на капацитетот на атмосферската канализација?
Уште еднаш го повторувам предлогот на опозицијата за продажба на луксузната зграда на ЈП Водовод и канализација и пренамена на овие средства и средствата за панорамското тркало за изградба на атмосферската канализација во интерес на сите граѓани на Скопје.