(ВИДЕО) СДСМ Прилеп: Министерот Јанакиески да ги објасни „случајностите“

Од:

„Случајностите поврзани со министерот за транспорт и врски, Миле Јанакиески се множат.

ПЕЛА-ТРАНС-КОМПАНИ е фирмата, којашто, неколку години по ред, по Програмата на Совет на Општина Прилеп за фунционирање на зимската служба, ги добива тендерите за одржување на улиците во градот, во зимски услови.

Директор на оваа фирма е Бобан Синадиноски, близок роднина на министерот Јанакиески.

На Веб страната на електронскиот систем за јавни набавки, не можеме да најдеме објавен тендер за зимско одржување на улиците во Прилеп, за 2014/2015 година.

Но, возила на оваа фирма можат да се видат низ градот како чистат снег“, изјави на денешната прес-конференција Миле Талевски, советник во Советот на Општина Прилеп, од редовиде на СДСМ Прилеп.

„Граѓаните на Прилеп имаат право да знаат, бидејки се работи за трошење нивни пари од општинскиот буџет:

– Дали и со која фирма Општина Прилеп има склучено договор за чистење на снегот и мразот од улиците, и колку ги чини тоа?

– Дали е спроведен законскиот тендер, или возилата на ПЕЛА-ТРАНС-КОМПАНИ “случајно“ и на своја рака, невешто се обидуваат да чистат снег од улиците?

– Ако е спроведен тендер, каде е објавен тендерот, согласно закон?

-Дали роднинските врски помеѓу министерот Јанакиески и фамилијата Синадиноски, биле спрегата за добивање на тендерот, од страна на општината во Прилеп?

После сите објаснувања, случајно улиците во Прилеп се оставени раскопани. Случајно фирмата, што власта ја избра да ја гради канализациската мрежа, е со седиште во куќата на министерот Јанакиески. Случајно улиците и тротоарите се недоисчистени, со снег и мраз, поради што две недели општината беше блокирана.

Јанакиески и локалната власт на ВМРО-ДПМНЕ имаат обврска да ги објаснат „случајностите“ на граѓаните на Прилеп и на Република Македонија“, рече Миле Талевски, советник во Советот на Општина Прилеп.

Би можело да ве интересира

Манасиевски: Фирма за тендери – Стентон Градба во време на СДС 90% од приходите ги имала од јавни набавки

Димитриевски: Актуелниот ДУП е донесен во 2010 година во време на поранешниот градоначалник Зоран Дамјановски

Филипче од Неготино: Владата на ВМРО-ДПМНЕ нема капацитет и идеја за водење на државата

А1он

(ВИДЕО) СДСМ: Кумот на Максим Димитриевски со поддршка на ДУИ си спечали 350.000 евра

СДСМ: Нови ценовни шокови за граѓаните, власта нема решение

(ВИДЕО) Филипче: Македонскиот јазик е нашиот идентитет и никој не може да ни го одземе

А1он