(ВИДЕО) СДСМ: Мицкоски брза на избори од страв од истрагите што доаѓаат по падот на Орбан

Од:

Генералниот секретар на СДСМ, Александар Саша Димитријевиќ, на денешната прес-конференција изјави дека, според партијата, премиерот Христијан Мицкоски брза кон предвремени избори поради, како што рече, „страв од истрагите што доаѓаат по падот на Виктор Орбан“.

Димитријевиќ тврди дека со политичките случувања во Унгарија започнува распад на, како што ја нарече, „криминалната мрежа“ во регионот, додавајќи дека се најавуваат истраги кои, според него, би можеле да се прошират и кон други политички актери.

„Сите бизнис-шеми, медиумски влијанија и зделки поврзани со Орбан ќе бидат предмет на истраги“, рече Димитријевиќ, оценувајќи дека тоа создава дополнителен притисок врз актуелната власт.

Од СДСМ велат дека причината за барањето избори е и, како што наведуваат, недостигот на резултати од владата. Димитријевиќ обвини дека не се исполнети клучни ветувања, меѓу кои и економски мерки, повисоки плати и напредок во евроинтеграциите.

Според него, економските показатели се влошуваат, со намалени инвестиции и пад на вработеноста во индустријата, додека јавниот долг расте.

Тој исто така оцени дека владејачкото мнозинство е нестабилно и дека се создаваат политички тензии со цел, како што рече, да се одвлече вниманието од реалните проблеми.

Од СДСМ порачаа дека граѓаните „веќе ги препознале политиките на власта“ и дека партијата е подготвена, како што велат, „да ја врати државата на вистинскиот пат“.

Би можело да ве интересира

За закана кон Мицкоски притвор, за претепувањето на Сара не – Левица обвинува за селективност на институциите

Катерина Ѓуровски

СДСМ: Тепачот на Сара, насилникот од Охрид бил пуштен на слобода поради врски со ВМРО – ДПМНЕ

СДСМ: Партиските редови денес се почисти, а ЗНАМ се фали со своите нови платеници

А1он

СДСМ: Според ММФ, Македонија е меѓу последните европски економии според БДП по жител

Горан Наумовски

(ВИДЕО) Филипче: Македонија на дното, 41 место во Европа – ММФ ги разби бајките на Мицкоски за трета економија

Горан Наумовски

ВМРО-ДПМНЕ: СДС е спотер, а сватот на Али Ахмети акционер