Општина Куманово алармира дека Никола Груевски и ВМРО-ДПМНЕ тенденциозно го кочат наставно – воспитниот процес на учениците. Прво, и покрај бројните укажувања на општина Куманово дека во училиштата имаат потреба од педагози, психолози, дефектолози, логопеди, Министерството за образование ги игнорира барањата и не дава согласност. Ваквото однесување се одразува директно на штета на децата, рече Мартин Костовски – претседател на ОО СДСМ Куманово.
Второ, власта на ВМРО-ДПМНЕ за општина Куманово издвојува средства под минималното ниво за училишните објекти и инфраструктура.
Поради доцнењето на блок дотациите од Владата, се создаваат проблеми при исплатата на клучните потреби на училиштата, како што се обезбедувањето енергенси за затоплување и бесплатниот ученички превоз.
Бараме власта на Никола Груевски сериозно да ги разгледа овие укажувања на општина Куманово и да постапи на ниво на одговорноста.
Буџетот на Република Македонија го полнат и граѓаните на Куманово.
Укажуваме дека е дозволиво граѓаните на Куманово да бидат заложници на фрустрациите на ВМРО-ДПМНЕ и Никола Груевски кои не можат да ја добијат довербата на кумановчани.