Донесените измени на Законот за високото образование власта на Никола Груевски и воведувањето т. н државен испит, го загрози уставно загарантираното право на студирање и направи упад во автономијата на универзитетите, рече Љубиша Николиќ од СДСМ.
Измените се донесени без минимум дебата, без да се земат предвид ставовите на студентите, професорите и широката општествена јавност.
Само дилетантска власт може да си дозволи да изврти ставови на високо – образовна научна институција, за да одглуми наводен спасител.
Се е јасно.
Целта на власта не беше подобар квалитет на високото образование , затоа што токму оваа власт и учествуваше во уништувањето на образованието во целина.
На уплашената власт од разбудената интелектуална свест и се потребни нови механизми на контрола на студентите и професорите и набрзина донесените измени се таков обид.
Затоа се воведените високи казни за професорите, кои одат до затворски казни за деканите, нешто што е својствено за режимите, а не за парламентарни демократии каква што некогаш беше Македонија.
Во таа функција се и наметнатите, т.н. норми и лиценци (менторства, импакт фактори) што водат кон намерна поделеност и понижување на професорите.
Парламентарното мнозинство синоќа ја задоволи суетата на Никола Груевски.
Но, СДСМ порачува дека екстерно тестирање нема да има.
Екстерното тестирање, и во средните училишта и на факултетите, ќе биде укинато.
Власта на Никола Груевски, и сите што и помогнаа во спроведувањето на насилните политики што го уништија образовниот систем, ќе одговараат.