„Сакаме да реагираме на грубото кршење на изборниот законик од страна на ВМРО-ДПМНЕ кое се применува во континуитет.
Имено во текот на вчерашниот ден безстрамно среде бел ден, без страм и страв од никого злоупотребени се средствата на јавните претпријатија во случајот на ЕЛЕМ кое е во државна сопственост.
Со комбиња на Електрани на Македонија дистрибуиран е пропаганден материјал во големи количини на оваа партија.
Јавно прашуваме дали ЕЛЕМ само дистрибуирал или и ги печател пропагандните материјали на ВМРО-ДПМНЕ. Само да потсетиме дека на овој начин прекршен е членот 8-а од изборниот законик кој забранува да се располага со буџетски средства како и со средствата на јавните претпријатија а во случајот злоупотребени се превозните средства на ова претпријатие а можеби и финансиски средства за набавка и печатење за што треба да даде одговор истрагата.
Бараме јавното обвинителство веднаш да поведе истрага за овој случај по основ на допрен глас и да поведе Кривична постапка за прекршителите на Законот согласно одредбите од Изборниот законик односно членот 178“, изјави Горан Милевски, кандидат за Пратеник.