Самоил Малчески денеска на прес-конференција изјави дека се приклучува на Иницијативата за реформи во ВМРО-ДПМНЕ, бидејќи како што кажа потребни се реформи во ВМРО-ДПМНЕ за да се спаси партијата.
Тој најави дека можно е и другите членови од Форумот на слободоумни патриот да ја поддржат оваа иницијатива, но за тоа прво треба да одржат состанок.
– Ова е единствен начин да си ги спасиме партијата и државата. Форумот на слободоумни патриоти беше првата организирана структура која побара реформи во партијата, а целта е иста – враќање на ВМРО-ДПМНЕ на победничките патеки, рече Малчески.
Тој кажа дека бил еден од првите кои јавно побарале промена на раководството на партијата.
– Сите релевантни анкети укажуваат дека ВМРО-ДПМНЕ ќе ги загуби локалните избори. Доколку Никола Груевски мисли добро на ВМРО-ДПМНЕ уште сега треба да поднесе оставка и да си замине од позицијата за да можеме да спасиме тоа што може да го спасиме до изборите, рече Малчески.