„Во очи на големиот христијански празник Св. Никола, од пред шест години патрон на градот ја објавувам мојата кандидатура за градоначалник на град Прилеп од најголемата политичка партија во Република Македонија ВМРО-ДПМНЕ. Целта е една и едноставна. Заедно со Вас да продолжиме да го градиме и уредуваме европски Прилеп, односно да реализираме реални проекти, а не да нудиме неразумни и неиздржани идеи“, рече на прес конференција Марјан Ристески актуелен градоначалник на општина Прилеп и кандидат на наредните локални избори.
Впрочем, искуството од минатите години е гарант за добрата заедничка иднина. Денес е многу полесно бидејќи не почнуваме од нула како во 2005 – со задолжена и уништена општина.
Денес имаме високи критериуми и јасни принципи за работа кои заеднички со Вас ги наметнавме. Докажавме дека за успех е потребна деноноќна работа.
Го променивме изгледот на скоро секоја улица, секое маало, секоја урбана и месна заедница.
Повеќе на видеото.