Рибната чорба за Гинис денес во Охрид беше сварена. Тим на ученици и професори од Средното Угостителско училиште од Охрид учествуваа во нејзиното приготвување кое траеше речиси 6 часа.
Подготвките започнаа пред три дена со чистење на 700 килограми риба и сите потребни намирници неопходни за чорбата. Откако специјалитетот беше готов иљадници граѓани пробаа од чорбата.
Гинисовиот рекорд во приготвување на рибна чорба го држи еден американски колеџ, кој во минатото успеал да приготви 3.020 килограми чорба.
За подготовка на чорбата за Гинис ќе бидат употребени 500кг лосос, 200кг ослиќ и 150кг калифорниска пастрмка, како и 140кг морков, 50кг целер, 20кг пашканат, 110 литри масло, 100кг брашно за запршката, 200 туфчина магдонос и 20кг вегета и сол.
Оваа година по цена од 50 денари се продаваа и дрвени чинии во која можеше да се земе од чорбата. Беа приготвени вкупно 11.000 порции.
Спонзорот на чорбата, бизнисменот Слободан Трпоски рече дека наредната година ќе бидат приготвени 5 тони чорба.
Мики Трајковски