Пред влезот во Клуб на пратеници мал број на граѓани протестираат против претседателите на двете албански политички партии, ДУИ и ДПА, додека внатре во секој момент се очекува да почне новата рунда разговори меѓу политичките лидери.
Граѓаните кои протестираат на себе го носат обележјето на граѓанското здружение „Беса“ и велат дека на овој начин сакаат да го искажат незадоволството од албанските претставници.
– Каква одлука и да се донесе денеска ние не сме задоволни од Тачи и Ахмети, не ги признаваме како претставници достојни за Албанците. Од снимките се виде дека се грижат за своите интереси, а не за интересите на граѓаните, велат демонстрантите.
На нивните транспаренти пишува дека Ахмети и Тачи се предавници на Албанците, дека не ги претставуваат и дека се корумпирани политичари.
Маја Васева