(ВИДЕО) Протест против насилството врз медицинарите: Следниот протест ќе започне и нема да заврши, ова е последно предупредување

Од:

Медицинските работници во организација на Асоцијацијата на специјализанти и млади лекари денеска излезе на протест во Клиничкиот Центар по повод серијата напади кои се случија изминатиот период врз медицинските работници од страна на пациенти и нивни роднини. Тие велат дека ова ќе биде последен протест како предупредување до надлежните институции да го решат овој системски проблем во здравството.

Ненад Лазаров од Асоцијацијата на специјализанти и млади лекари потенцираше дека се оградуваат од секакви политички елити. Тој вели дека насилството врз лекарите мора да престане веднаш.

– Собрани сме да кажеме доста е. Ова ќе биде наш последен револт, повеќе не смее да дозволиме да бидат напаѓани здравствените работници. Долги години тенденциите и негативната кампања се одразуваат врз медицинските работници, а целта е да се стават во сенка лошите одлуки на раководните лица во системот. Време е да се преземат мерки за подобри услови на работниците и пациентите. Ќе престанеме да работиме се додека овие прашања не бидат решени, вели Лазаров.

Според лекарите, овие проблеми не смеат да се решаваат зад затворени врати туку само со отворена дебата. Тие на протестот посочија пет барања кои во најбрз можен рок мора да бидат решени.

Станува збор за донесување на закон за докторска дејност, итно спроведување и законско изедначување на напад врз медицинско лице со напад врз полициско лице.

Полициско обезбедување на сите здравствени установи особено во ургентните центри. Вклучување на младите лекари во носењето на сите здравствени политики.

Задолжително организирање на некаков внатрешен систем на контрола на медицинските работници.

Медицинските работници истакнаа дека после овој протест ќе остават малку време на надлежните да ги решат проблемите и да ги прифатат овие 5 барања. Доколку, како што велат, утврдат дека нема никаква желба за решавање на проблемите ќе престанат со работа.

Би можело да ве интересира

Синдикати бараат новиот министер за здравство да ги потпише анексите усвоени од Влада

Скопјани имаат најголеми, а жителите на Крушево најмали можности за здравствена заштита

Катерина Ѓуровски

Вработувањата на 1.117 лица во здравството не се предизборни, тие веќе работат по клиниките, тврди Ковачевски

Орце Костов

Годинава 440 лекари положија стручен испит

Орце Костов

Ристески: Со одбивањето на амандманот од 20 милиони денари за подобрување на условите во Клиниката за радиотерапија и онкологија, власта покажа дека е против здравјето и животите на тие пациенти

МЗ: Значително унапредена раната детекција на најчестите малигни заболувања