(ВИДЕО) Протест пред Уставен: Судска мафија, ќе одговарате!

Од:

„Бандо криминална“, „Мафија на робија“,„Лопови, „Партиски судии“, „Судска мафија ќе одговарате“, „Нема правда нема мир“ „Оставка“, „Нема да ви помине“, извикуваа и силно свиреа револтираните граѓани, попладнево, пред Уставниот суд.

Граѓаните и активистите од граѓанската платформа АЈДЕ бараат одговорност за петмината уставни судии Елена Гошева претседателката на Уставен суд и Никола Ивановски, Јован Јосифовски, Вангелина Маркудова и Владимир Стојановски, судиите кои денеска гласаа да се прифати иницијативата поднесена од адвокат Ристо Китевски и да се измени Законот за помилување со кои, претседателот на државата, во иднина ќе може да помилува лица осудени за изборни криминали, но и за педофилија и други тешки дела. Граѓанската платформа АЈДЕ го организираше протестот под мотото „Да го Уставот од Уставниот суд“.

Тие велат дека со оваа одлука судиите станаа соучесници со изборниот криминал.

Измените се прават во време кога Специјалното јавно обвинителство покрена истражна постапка за осум лица осомничени за изборни нерегуларности, меѓу кои поранешните министри Миле Јанакиески и Гордана Јанкулоска, генералниот секретар на Владата, Кирил Божиновски и градоначалникот на Пустец, Едмонд Темелко.

А.Б.

Би можело да ве интересира

Движењето „Ниту една повеќе“ вечерва изрази револт поради убиството на Росица, како и многу други случаи на фемициди

Кордон помеѓу студентите и местото каде се одржува воената парада во Белград

„Ниту една повеќе!” – протест против насилството врз жените

А1он

Илјадници демонстранти се собраа во Тел Авив барајќи крај на војната во Газа

(ВИДЕО) Зеленски потпиша контроверзен закон, започнаа најголемите протести од почетокот на војната

Притвор за седуммина уапсени во Ужице, адвокатите ја прекинаа работата