ВИДЕО: Протест на ВМРО-ДПМНЕ против незаконско трошење на европските пари за образование

Од:

Опозициската ВМРО-ДПМНЕ денеска организираше протест против, како што истакнаа членовите на партијата, незаконското трошење на европските пари наменети за образование и образовни проекти.

Директорката на Националната агенција за европски образовни програми и мобилност Лидија Димова, според пратеникот Антонио Милошоски потрошила на тренинзи на магариња, испробување на сирење и за проекти на нејзин пријател и неговото фризерско студио.

-Мислиме дека е многу неморално во вакво време на пандемија овие 500.000 евра да бидат вака потрошени. Тие пари требало да бидат потрошени за болниците во Струмица, во Битола и во Тетово за обука за персонал и за поддршка или во најмала рака овие пари да биле потрошени за компјутери за одеца кои не можат да ја следат наставата онлајн, изјави Милошоски.

Одговорноста, како што кажа, не е само кај Димова туку и кај тие што ја поставиле на таа функција Зоран Заев, како и кај, како што рече, нејзината пријателка Радмила Шекеринска.

Милошоски рече дека по однос на изјавата дека членови на Владата ќе ја повикаат да даде оставка или ќе ја разрешат се стари трикови на Владата на СДСМ која кога сака да прикрие корупција и незаконско трошење на средства го прави овој повик за оставки.

-Најдобар пример за тоа е еден поранешен пратеник за кого сите слушнавме како нарачува дрога, се направи притисок во јавноста да даде оставка. СДСМ тврдеше дека тој ќе одговара пред обвинителството никогаш никој не поведе постапка. Вториот случај е поранешниот директор на Фондот за здравствено осигурување на Македонија, за кого што видовме дека има и видео снимки како зема кеш пари и какви односи имал со фирмата Диамед, даде оставка и никогаш повеќе не видовме било каков случај од обвинителството во Република Македонија, рече Милошоски.

Доколку би била искрена намерата, според него, СДСМ ќе треба да ги повика да дадат оставки и директорот на училиштето во Кавадарци кој што земал големи суми на средства околу 200.000 евра и неговиот брат-пратеник кој што е актуелен пратеник и висок функционер во СДСМ заради конфликт на интереси.

Би можело да ве интересира

ВМРО-ДПМНЕ: Кој и зошто му го даде на Филипче тендерот за модуларната?

Листа на кандидати за советници на ВМРО-ДПМНЕ за Советот на Град Скопје

Горан Наумовски

СДСМ: Скопјани се гушат, ќе побара ли Мицкоски одговорност од Претседателот на Управниот одбор на „Дрисла“ и негов советник?

ВМРО-ДПМНЕ: Шукова повторно продава исти лаги за Вардариште, во 2020 лажеше со Заев сега како кандидат лаже со Филипче

Предраг Петровиќ

ВМРО-ДПМНЕ: Државата оди напред, граѓаните живеат подобро

Горан Наумовски

ВМРО-ДПМНЕ: Имаме план и програма за почиста животна средина, почист воздух и поквалитетен живот за сите граѓани