На владина седница е одлучено да се воведе кризна состојба на дел од територијата во Македонија, односно во Дебар и Центар Жупа, информираше министерот за здравство, Венко Филипче.
Од девет пациенти (од кои една е веќе негативна на коронавирусот) кои во моментов се на Инфективната клиника и се заразени од коронавирусот, седум се од Дебар, од истиот град се и новите четворица заболени, па оттаму и причината зошто е донесена ваквата одлука.
За жителите на овие општини ќе следи комплетно ограничување на движењето. Ова ќе значи и забрана за влез и излез од овие општини. Во следните 24 часа, според Филипче да се разработи оперативниот план за тоа како ќе се функционира во рамките на оваа кризна состојба.
