ВИДЕО: Пожарот од „Глобал“ се прошири на тезгите во пазарот

Од:

Пожарот кој избувна вечерва по 23 часот во Трговскиот центар “Глобал“ во Струмица се прошири на тезгите во пазарот, во приземјето.

Според информациите од командирот на ТППЕ Струмица, Александар Гудев, пред малку пожарот се проширил во внатрешниот дел од трговскиот центар, каде се сместени поголем број на тезги.

Според него, пожарот кој ги зафати неколкуте дуќани од надворешната страна е локализиран.

Засега нема повредени, а само на еден граѓанин побарал помош од медицинските екипи, најверојатно од претрпен шок од пожарот.

Гаснењето на пожарот продолжува во внатрешноста на ТЦ „Глобал“.

Имаку, големиот пожар зафати четири продавници на приземјето и се прошири кон првиот кат, а пожарникарите со големи напори успееја да го стават под контрола и засега не дозволија да се прошири на другите продавници.

Според очевидци, пожарот веднаш се проширил.

-Почна на почетокот од првиот дуќан и брзо се прошири. Мојот бутик е целосно изгорен и во него имаше стока од над 20 илјади евра, рече сопственик на бутик.

На местото на пожарот има голем број граѓани, а повеќе полициски возила го обезбедуваат просторот околу ТЦ „Глобал“, како и возила на првата помош.

Засега не се знаат причините за пожарот, во кој е причинета голема материјална штета.

Би можело да ве интересира

Голем пожар кај Карбинци, две вили настрадаа во огнената стихија

Жарко Настоски

Општина Струмица објаснува за „кривиот“ кружен тек: Важна е функционалноста, а не изгледот

Жарко Настоски

Во голем пожар во струмичко Ново Село изгоре погон за производство на столови

Изгаснат пожарот кај село Белица, Бродско

ВИДЕО: Огнени торанада го уништуваат Орегон, пожарникарите се повлекоа

Катерина Павлова-Николовска

ВИДЕО: Во Белгија од лошо-полошо, пожар пеплоса куќи што веќе настрадаа во поплавите

Жарко Настоски