Пожар рано утрово избувна во сервис за возила пред Пинтија, над Стаклара во местото викано Каменик. Во сервисот имало повеќе автомобили, масло за автомобили и запаливи предмети. На снимката објавена од надзорните камери се гледа како едно лице колите ги полива со бензин, а потоа ги пали.
Дирекцијата за заштита и спасување информира дека пожарот избувнал пред 04 часот и дека е изгаснат пред шест часот. На терен интервенирале осум противпожарни возила.