Пуштена е првата група на македонска територија и веднаш настана хаос.
Mигрантите трчаа по пругата кон станицата да се качат на возот. Во сиот хаос една жена беше пропуштена низ кордонот од полиција, но зад кордонот остана нејзиното семејство, а потоа едно од нејзините деца.
Таа во солзи стоеше на сред патот-дали да продолжи кон возот со едното дете или пак да моли и чека да биде пропуштено и другото.
Полицијата почна да попушта групи мигранти колку што има капацитет во возот за Србија. Дел од мигрантите за да поминат грабнуваа деца што не се нивни, а потоа ги оставаа пред полицијата, а родителите ги бараа во метежот.