ВИДЕО: Полицијата ги спречи демонстрантите од „Македонија блокира“ да протестираат пред домот на пратеничката Александрова

Од:

Дваесетина граѓани и претставници на движењето „Македонија блокира“ направија обид да се собрерат пред домот на пратеничката Емилија Александрова, која како што велат, е една од 8-те пребегани и уценети пратеници.

Во соседството каде што живее Александрова можеше да се забележи силно полициско присуство, па организаторите не успеаја во намерата да и го предадат писмото, во кое како што рекоа, се образложени причините зошто таа не треба да гласа за уставните измени.

Сепак, претставници на „Македонија блокира“ одржаа говор на разглас, кој останатите присутни го проследија држејќи свеќи во рацете.

„Дигнете глава, ние сме со вас. Излезете со нас, простено ќе ви биде. Дојдете да ја спасиме Македонија заедно, сега веќе нема простор за играње на две столчиња – или сте со народот или не“, рече во својот говор еден од организаторите на протестот.

Собирно место за учесниците беше Собранието, а потоа поворката се упати кон домот на Александрова.

Претходно, „Македонија блокира“ слични настани организираше и пред домовите на други пратеници од опозицијата кои ги подржаа уставните промени.

Би можело да ве интересира

Скопје и Софија ја интензивираат соработката во одбраната

А1он

Делегација на Националната гарда на Вермонт во посета на Скопје

А1он

Нов привремен сообраќаен режим на мостот Гоце Делчев

А1он

Целосно изгаснат пожарот во зградата „папагал“, повредени нема

Посебен сообраќаен режим утре во Скопје поради одбележување на Илинден

Ана Ололовска

Град Скопје ќе дистрибуира топлинска енергија до граѓаните

Ана Ололовска